Ka State Tobacco Control Cell (STCC) yong ka jylla Meghalaya da yoh ko yei tipmit na ka World Health Organization (WHO) neibynta i ye wow pynduna yei pynemkaam duma. Man-u-snem, ka WHO da e ko yei tipmit ya ki bru samen kamjooh ya ki seiñ kiwa ye wow wanrah i kylla ha ka imlang sahlang deiwa pynduna yei pynemkaam duma.
Ha uni u snem ya khusnaam ka WHO Director-South-East General’s Asia Region Award da yoh rah da ka State Tobacco Control Cell ka Meghalaya.
Ha Meghalaya ya ka Anti-Tobacco Campaign yow pyrchah yei dih wei baam duma da man ko kawa jop deiwa em 4.9 lak ngut ki khynnah skur wa chimbynta na ki 7,975 tylli ki skur ha ka jylla.
Kini ki lak ngut ki khynnah skur da chimbynta ki ha ki lai pynsñiawthooh paidbah ha ki 3,500 tylli ki chnong wa em cha khap sor wei da pynman 7,388 tylli ki lai paidbah yow pyrchah yei pynemkaam duma.
U Montri Rangbah ka jylla Meghalaya, u Conrad K Sangma da ong u wa ini da pyndap dei sñiawsarong wa ka Meghalaya State Tobacco Control Cell da yoh ko ya ini i naam wei toh nei kreh chitom hadooh wow yoh yei tipmit na ka WHO.
Neiliang won ka Montri ka chnat i chait i khiah, ka Dr. Mazel Ampareen Lyngdoh da yaroh ko yei kreh chitom yong waroh kiwa emkti wow pynsñiawthooh paidbah yei maa wa mih nei pynemkaam duma, deiwa ong wa ini toh i sarong ya ka jylla wow yoh khusnaam na ka WHO wei pynyoo ko yei kreh chitom nadooh ka chnat i chait i khiah, ka chnat puræ puthi, ka chnat pulit wa waroh hi ki chnong yow ye u pynduna yei pynemkaam duma.
Da ong ko leh wa toh u nang kreh chitom chooh chooh wei ymtoh u chong ngiah wei wow lai chakhmat yow wanrah yei kylla yow im deiwa chait wa khiah.
Ka State Tobacco Control Cell da yoh ko yei tipmit na ka WHO deiwa ya krehlang waka chnat puræ puthi deilang wa ki bor pulit ka jylla heiwa da pynman ya kiwa boon jait ki yalang yow pynduna yei pynemkaam duma.
Ya kiwa jop ya kani ka Award ye phi wow puræ heini
