Ka seiñ FKJGP-Khliehriat Circle deilang wa ki dkhot ka FKJGP-Jaiñtia Hills Zone ynne ka sngi da lai yachem ki wa u DC ka East Jaiñtia Hills yow booddien yei dawa wa da slem yong ka seiñ itæ wow pynchna noh ya u sarok NH06 iwa da oor ha i bynta ka chnong Byndihati iwa em chwa u poi cha ka Infiltration Gate wa em ha Umtyr-a, East Jaiñtia Hills.
Ha kani ka kynti, ka seiñ da e por ko chi tayaaw ya ka NHAI lyngba u DC wow pynchna noh ya utai u sarok uwa da oor chiteiñ hadooh wa da man u kam u One Way la kattu katni snem.
Da ong leh wa uni u sarok ym man u du kam u thied snaam yong ka Meghalaya tangwa heijooh i por u thied snaam yong kiwi ki jylla wa em cheiliang sepsngi.
Ini i e por ka seiñ toh nadooh ka 28-07-22 lyngba u DC wei da dep pynkynmoo biang sa kawi ka chithi haka 14-04-23 wei kawa khaddooh won ynne ka sngi tangwa ym yoo dak wa chimkhia ka NHAI wow pynchna ya uni u sarok.
Kamtæ hajrong kani ka yurim ka seiñ daw pynyoo ko dei kaam hadien wa kut ka chi tayaaw lada ym leh ka NHAI iyi iyi leh, pynkut ka kyrwoh na u President ka seiñ, u Mishal Chyrmang .
