Ka sorkar Meghalaya da pyrchang ko wow pynemkaam hei sien nyngkong ya ki Bus STEMS deiwa kit ya ki khynnah skur ha sor Shillong kam chibynta wow pynduna yei khynnia ki luti syngkieñ kamjooh leh wow wanrah yei khooid ka la-ær wei wow pynsuk leh ya ki paidbah.
Ki 30 tylli ki Bus kiwa da dep u thied da pynemkaam ya ki deiwa pyrchang chwa nadooh na madanbol Umpling chadooh cha Pine Mount School deiwa booh 12 tylli ki thaw ku Bus nadooh na madan Umpling, ha Nongrah Presbyterian Church, Nongrah Mawshyieng, Nongrah, Lapalang Junction, Lumbatngen (Law U Sib), Demthring Bus Stop, Nongkhyriem, Nongthymmai, Jylli Shop, Fire Brigade, wa ha Pine Mount.
Ya kini ki Bus STEMS leh daw sdang noh ha kiwi de ki luti wa neibynta kiwi ki skur. Kam wow pynkynmoo wa ki bei ki pa yong ki khynnah ye ki wow tip heiwon em kini ki Bus ha iwon iwon i por lyngba ka Mobile App wei ye ki leh wow leh ya ka Online Booking neibynta ki Seat ya ki khon ki.
Yow chngaaiñ i lai i wan, da pyndait leh 5 tylli ki Camera wei kiwa yah Bus, ki Conductor wa kiwa yarap toh kiwa da dep chah e sikai, kiwa sap da ki Uniform yow pynman chooh chooh yei lai luti iwa sñiawsuk.
Ka sorkar da pyntip ko wa ini i pyrchang da man i iwa jop wei da em 455 ngut kiwa da thap pyrtuid yow pynemkaam ya kini ki Bus wei ka sorkar da pynchlur ko leh ya ki bei ki pa wow wan ki chakhmat yow chim kabu ya kini ki Bus kiwa biang wa man chngaaiñ neibynta ki khon yong ki.
Kini ki Bus u man ki leh neibynta kiwa lai kreh iwa daw leh won rap hadien yow pynchlur leh ya ki bru wow pynemkaam da ki kari kamai yow ieh ya ki kari ki ha yung wei deiwa jied da kini ki Bus daw pynduna ko yei khynnia ka sor Shillong najrong wa wanrah ko chiboon ki myntoi.
Yow tip bniah ye wow lai ha ka https://stemsmeghalaya.nic.in/ lane deiwa Phone ha ki Customer Care Helplines kitæ 0364-3500097/0364-3500098 ha ki kynta wa man kreh lane deiwa e-mail ha [email protected].
