Ka Khasi Hills Autonomous District Council (KHADC) da kyntu ko ya waroh kiwa embynta kiwa em hei bor wym toh u pdiang ya iwon iwon i pynkylla yei kur i jait Khasi da uwon uwon u bru lane da kawon kawon ka kur khlem da yoh bor na ka yung krehkaam Registration Authority ka KHADC wa naka Executive Committee.
Ya ini da leh neidaw wa da chem ka Executive Committee wa em boon ki bru wa kylla kur kylla jait hadooh wa da em kiwi ki bru wa wan hi-eh wow chim yei kur i jait Khasi du deiwa leh donhi da ka Affidavit.
Da kdaw leh ya ka kyndon aiñ Section 12 ka Khasi Hills Autonomous District (Khasi Social Custom of Lineage) Act 1997 wa da khang ko wow kylla yei kur i jait wei wow chim hi-eh da uwon uwon yei kur i jait yong Khasi khlem da yoh bor na ka Registration Authority waka Executive Committee, KHADC.
Kamtæ da pyntip cha waroh ki paidbah wa da khang ya kiwon kiwon wow leh yeini u pynkylla yei kur i jait lane wow wan chim hi-eh da kiwon kiwon ya i kur Khasi khlem da yoh bor katkam ki kyndon ka aiñ.
