Ka Education Cell yong ka KSU East Jaiñtia Hills District Unit hapoh i yahkhmat u Emmon Chyrmang, Education Secretary deiwa synraan lang u President yong ka seiñ, u Streamly N. Suchen deilang wa kiwi de ki dkhot, ynnin ka sngi da pynkup burom ki ya ka Emika S. Dkhar kawa da psiah pyrtuid ha ka Top 20 Merit List deiwa yoh ya ka kyrdan wa 17 ha ka SSLC 2023 wa da pynman da ka MBOSE.
Ka Emika toh kawa lai skur ha Little Star Secondary School Ladrymbai.
Ha ka yalang wa tbian wa pynlai da u Education Secretary, da pynsñiaw u yei sñiawngooh hawa yoh u yoo wa ki paradoh parasnaam da yoh ki wow poi chakhmat.
Ka seiñ da kyntu ko ya waroh ki khynroo khyllood ka Bri u Ynñiawtrep wow nang kreh chitom chooh chooh ha ka puræ puthi khnang wow poi cha ka thong wa rap chaneiñ yow man i myntoi wa i kyrkhu ya ka yung ka sem, ka chnong ka thaw wa ka jylla hi waroh kawi wa i naam i burom leh ya ka ri waka jaitbru yong i.
