Ka State Cancer Society of Meghalaya waka Oncology Department, Civil Hospital Shillong da kynmoo burom ki ya ka National Cancer Survivors Day ha ka 1 tarik uni u bnai ha DAE-Civil Hospital Cancer Wing, Civil Hospital Shillong.
Ha katai ka sngi da wan kiwa ye u jop ya ka kjut Cancer kiwa da khana yei lai luti ki nadooh wa tip ki wa yoh Cancer ki hadooh i chah sumaar wei da e mynsien ki ya kiwa dang chah sumaar wym toh u sñiaw diaw wow dooh mynsien ki yow ye u yaleh pyrchah ya kani ka kjut.
Da ya emlang ha kani ka sngi wa u Sampath Kumar, Principal Secretary, Health Department, Dr. A. Mawlong, Head Radiation Oncology, Civil Hospital Shillong wa kiwi de ki sahep sorkar.
Ya ka Cancer Survivor Day da kynmoo kam chibynta wow pynsñiawthooh paidbah yei kjut Cancer kamjooh yow tipmit ya kitu kiwa da jop yei yaleh Cancer yow e mynsien ya kitu kiwa dang yaleh pyrchah katni.
