Ka sngi kyrpang ka bei rym-aw namo ka World Environment Day 2023 da kynmoo warom ya ka ynne ka sngi hajrong ka phang “Beat Plastic Pollution” da kiwa sikai wa ki khynnah ka Government Girls Higher Secondary School Jowai.
Ya kani ka lehkmen da sdang deiwa thung dieñ ha pchem ka skur wei da pynman yei lai kjat cha Iawmusiang yow pynman yei pynsñiawthooh paidbah hajan ka yung krehkaam u DC.
Neiliang ki khynnah skur da pynsñiawthooh ki ya kiwa lai yaaw yei ktah i pynemkaam Plastic deiwa pynchlur wow pynemkaam da ki muna-jun, muna that wa rah hi na yung hawa lai yaaw lai haat wei kamjooh leh ya kiwa dai wow pynemkaam da ki muna wa da chna na ki kotkhubor, ki sla pachor wa kiwi ki jait sla ki wym ktah ya ka rym-aw.
Neiliang ki khynnah skur leh da wah ki 10 tylli ki tin pynlang jhep namo ki Dustbin wa da pynkhreh da ki hi ha ki thaw lai kjat ha Iawmusiang yow lait ki bru wow noh taroi cha luti syngkieñ.
