Da ki Seed Ball lai brait ki khynnah ka Seiñraij Mukhap SSA LPS kam chibynta ka World Environment Day

Kamwa da tip wa ka 5 tarik Naiynru khlieh u snem toh ka sngi wow pynkhroo yei man kyrpang man kyntang ka Bei Rym-aw ha chityllup ka pyrthai kawa datip leh deiwi i kyntien kam ka World Environment Day.

Kamtæ kamwa man ha kiwi ki chnong ki thaw i kynmoo burom ya kani ka sngi man i ha ki dur ki rukom wapher kam i thung ya ki tre dieñ, i pynlum pynlang ya ki Plastic ki jhep ki jakhlia wa i pynsñiawthooh chaphang ki bynta wa yatoh waka bei rym-aw.

Ka khubor wa sñiawsuk wei yoosuk leh u sakhi wa ki bor pynlai ka Seinraij SSA Lower Primary School, Mukhap ha ka thong yong ka World Environment Day najrong i thung ya ki tre dieñ hapoh ka pchem skur, da leh won ki sa kawi ka kaam wa rap phær deiwa lai brait ya ki Seed Ball (kiwa dadep chna kyrpang wa em chyieñ dieñ hapoh) cha ki thaw wa syllen kiwa em hapoh u pood u ang ka chnong ka thaw yong ki.

Ya kani ka yalang leh burom Environment Day ha skur Seinraij LPS SSA, Mukhap da embyntalang leh wa ka Dorbar Chnong Mukhap wei da chimbyntalang leh da kiwi ki skur wa kynthup ya ka David Edward UPS Mukhap, Mukhap UPS-Secondary wa ka Lumlihoi UPS SSA hei emlang leh u T. War, District Soil and Water Conservation Officer (T) Division Jowai wa u Nujorki Sungoh, MLA kam u kongsan.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka yalang wa tbian yong kani ka sngi hei pynlai u S. Sungoh, Chairman Chnong Mukhap, neiliang ki waheh wasian kiwa da e i klam kyrsu kyntu ha kani ka sngi toh u R. Lapasam, Waheh Chnong Mukhap, u S. Lamare (Chairman Watershed Committee Wahiongnoh Mynsar) wa u T. War, DSWCO (T), Division Jowai.

U Nujorki Sungoh hawa klam ha kani ka sngi kam u kongsan da kyrsu kyntu u ya ki khon ka chnong Mukhap wow man ki bru kiwa tip u kheiñkor yei kyrkhu wa yoh na ka bei rym-aw, da ong u leh i thung ya ki dieñ ki siej wei yada ya ki um ki wah toh i kaamram wa hakhmat yong uwi pa uwi, kawi pa kawi kiwa chong chnong, chooh chooh da klam u leh ya ki bynta wa yatoh wa ka phang pyrdi yong kani ka sngi ha uni u snem kawa ong “Beat Plastic Pollution”.

Khaddooh da pynkut ya kani ka yalang deiwa e kti ya ki khusnaam cha ki khynnah wa jop ha ka yakob dro dur wa da pynman heiyatoh wei leh burom World Environment Day 2023.