Kam chibynta wow ya ksohkti wa ki ri ka pyrthai waroh yow lehkmen ya ka sngi kyrpang yow pynneh pynsah ya ka bei rym-aw namo ka World Environment Day, ka KSU Narpuh Circle ynnin ka sngi da pynman ko da ka yakob thoh Slogan wa Drawing ha Divine Word Secondary School Lumshnong.
Ha kani ka yakob da wan wow chimbynta da 6 tylli ki skur kiwa em hapoh ka thaaiñ Narpuh kitæ ka Umkiang Holy Cross Hr. Sec. School, Narpuh Modern Sec. School Umkiang, Christian Sec. School Lumshnong, Divine Word Sec. School Lumshnong, KJP Synod School Thangskai waka Chiehruphi Sec. School.
Ha katai ka yakob da jied 4 ngut ki khynnah na kawi ka skur, 2 ngut wow chimbynta hei thoh Slogan wa 2 ngut won ha ka Drawing.
Ka phang yong ka yakob toh kawa ong “Ban Tyngkai ia ka Meiri-Sawkun kaba long u Thied bah ka Jingim.”
Ha chwa wow sdang ka yakob da em ka yalang wa tbian heiwa da yoh i klam na u Fr. Tonio Mathew uwa man u Principal ka Divine Word Sec. School Lumshnong wei kamjooh na u Phanuel Tongper uwa man u Environment Secretary ka KSU-EJHDU.
Ha kani ka sngi da em leh i ya thung dieñ wei da pynlai ya ka yalang da u KS. Suchiang, President KSU Narpuh Circle wei cha kiwa jop da e khusnaam deilang waka Certificate.
