Uwi u bru wa 19 snem i rta uwa pyrtuid u Mongol Ri uwa kreh ha tyndur hajan Jowai Bypass da wiar u nadooh ka 01-06-2023.
U Mongol Ri toh u khon ka Rira Ri wa u (L) Joyram Ri wei i chnong tre ki toh na Aryanpur Hailakandi District, Assam.
Da ong wa da wiar u hadien wa mih u wow lai thied kwai na dukan tangwa ym em de poi u cha thaw kreh kamjooh leh cha yung.
Heipor wa mih na thaw kreh da sap u ya ka sula rong yong wa thoh laiñ lieh na tympha wa ka patlun kyndeh bol rong bneiñ.
Kamtæ da kyrpaad ya kiwa chem næ tip næ yoo ya oo wow sñiawbha Phone ha ka tre wa kreh u, ka Manlang Siangshai lyngba u Number-6009927161.
