Ka seiñ ki warep wa tip kam ka na Hill Farmer’s Union (HFU) Barato Unit hapoh i yahkhmat u President, u Mejes Timung wa u General Secretary, u Romius Timung da lai pait ki ya ka Veterinary Dispensary wa em ha chnong Barato ynne ka sngi hadien wa da yoh chiboon ki ujor na ki para warep wym yoh ki yei dawai dachin neibynta ki mrad wa ri ki hawa yoh kjut ki.
Ha ini i lai pait lai sylli ka seiñ da chem ko chiboon ki duna nadooh ki dawai, ka um, ki thaw sah ,ki paikhana wa ka bordiñ leh kamjooh.
Hawa yoh u yaklam wa u Doctor wa pait ya kani ka Dispensary da khana u wa i yoh dawai na ka sorkar man ko iwa duna hadooh kattæ kattæ neibhah wa ka mang poisa neibynta ki dawai neh ko kat jooh nadooh ki snem wa nachwa.
Kamtæ da ong wa kani ka mang poisa man ko ka wym biang lada nujor yei boon ki mrad wa da ri ki bru katni.
Hajrong ini, ka seiñ da kyrpaad ko ya ka sorkar wow pynbiang yei emkaam ka chnat Veterinary khnang wa ki warep u yoh ki yei myntoi wa toh hok u yoh ki kiwa da em 8 tylli ki chnong wa chaniah ha kani ka Dispensary.
