Ka Shillong Lajong da jop ko da 3-0 ya ka Rangdajied United ha ki Semifinal wa nyngkong namo ka First Leg ka Meghalaya State League 2023 wa da pynman ha Kiang Nangbah Stadium, Jowai ynne ka sngi.
Ha kawi won ka Semifinal wa da pynman ha Tura, ka Mawlai da jop ko ya ka Khliehmawlieh da 1-0.
Ini mut i wa waroh ki arliang kiwa rem daw yoh daw yohlaad biang ki sa chisien wow pynyim yei lai luti ki yow psiah Final ha ki yalehke Semifinal (Second Leg) kiwa daw pynman biang ha kani ka 13 tarik.
Ki bru da wan mih ki deiwa boon ha Jowai wa ha Tura hanla ym em ka liang yong ki wa da yoh u psiah Semifinal.
Ya ki kool ka Lajong da thap da u Henry Ford Nongneng (17′), u Hardy Cliff Nongbri (55′) wa kawi kawa thap bakla da uwa yalehke ka Randajied hi u Arkwis Wanniang (82′).
Ya ka Mawlai da pynjop da ka kool u Wanboklang Lyngkhoi ha ka minit wa 50.
