Ka Dorbar Chnong Pamrakmai, East Jaiñtia Hills District da pyntip ko wa hei miet ka 2 tarik uni u bnai da em ki damok wa da wan da kawi ka kari Alto 800 ki wym tipmit kiwa da wan tooh masi hapoh ka chnong wei ha katai ka miet da yoh rah tooh ki leh ya ar tylli ki masi na kawi ka manyung wa ri masi.
Wei ha ka miet yong ka 9 tarik uni hi u bnai da wan biang kini ki damok dei thmu u wow tooh chooh ya ki masi sa na kawi ka manyung tangwa da embhah wa smat sñiaw ki tre kamtæ ym em da yoh ki wow tooh ya ki masi.
Kamtæ ka dorbar chnong da maham wei beiñ joor ko ya kini ki damok wa da leh ya kini ki kaam tooh.
Ka chnong da kyrpaad wei paan yarap ko lada em kiwa tipmit ya kini ki damok wa tooh masi wow sñiawbha ki u pyntip cha ka chnong yow ye u leh yeiwa emkaam katkam ka aiñ chnong, kamjooh daw e nong ya kiwa pyntip.
Ka Wyrta na u Secretary Chnong, u Wellson RD Siangshai.
