Ka yung krehkaam u SP ka West Jaiñtia Hills da pyntip ko wa daw pynman ya ka yakob chna phlim wa tbian namo ka ‘Open Competition on Short Video’ kawa man hajrong ka phang wa ktah i pynemkaam wei dai drugs “Drug Abuse and Illicit Trafficking”.
Ka Video toh u man kiwa da chna hi da kiwa chimbynta ymtoh wow tooh da ki buit lane ki Video yong kiwi.
Kani ka Video toh u e ko ya ka wyrta chula kammon chah ktah kiwa pynemkaam drugs wa kamjooh i pynchitom ya kiwa dai wei khayi drugs.
Ymtoh wow pynemkaam da ki ktien wa sih kamjooh ki dur ki dar wa i rukom riñ da iwa yoomaa yootieñ.
Ka Video ymtoh u jrong ko palat 5 minit.
Ka tarik wa khaddooh wow pynpoi ya ka Video toh ha ka 24-06-23 heipor 5:00 waje i janmiet deiwa lai e ha yung krehkaam u SP wa em ha Jowai.
Ya kiwa jop daw yoh ki ya ka song poisa kawa T. 6000.
