Ynnin ka 17 tarik da yoh u pynlait ya ka kot wa da e pyrtuid “Ka rukom hikai ia ki khun ha kane ka juk thymmai” wa da thoh da u Remingson Bamon ha ka yalang wa da pynman ha i yung ka bei yong oo ha Mihmyntdu, West Jaiñtia Hills.
U Remingson Bamon man u leh kam u Youtuber Khasi uwa em palat 1 lak ngut ki Subscriber.
Chooh chooh kani ka Channel da em ko kamwa 2 snem tam wei ha kini ki 2 snem hadien wa yoh palat 1 lak ngut ki Subscriber da yoh u leh ya ka Silver Play Button kam i tipmit na ka YouTube.
U Remingson Bamon toh uwi na ki ‘Content Creator’ yong ka Meghalaya uwa em i kitkhlieh wa khroo neibynta ka imlang sahlang.
I thmu yong u Remingson Bamon wow thoh ya kani ka kot toh wow pynim ya ka imlang sahlang deiwa pynim ya ki yung ki sem neibhah ka imlang sahlang da chna da ki manyung wei emkaam ki manyung ki Khasi u im biang ki.
Ha kani ka yalang da emlang u Philip James Bamon uwa da pynlai ya ka yalang uwa man leh u Executive Member ka Seiñkur Bamon-Suja-Phalangki, East Jaiñtia Hills, u Nijoplang Bamon uwa man u Chairman ka Seiñkur Bamon Nongryngkoh Unit, u Dr. H.H. Mohrmen uwa da chah khut sñiawbha wa kiwi kiwi.
Ya kani ka kot da pynlait paidbah da u Dr. H.H. Mohrmen wei ye u thied ya kani ka kot na Amazon wa Flipkart ha i dor T. 130.
