Ka sorkar Meghalaya da pynchna ko deiwi ya ka Anti-Narcotics Task Force kawa daw man leh kam ka State NCORD Secretariat neibynta ka jylla Meghalaya deiwa em u Inspector General of Police (CID) Meghalaya kam u Chairman, u Assistant Inspector General of Police (Re-Orgn) Shillong kam u Member Secretary wa u Commissioner of Excise, u Deputy Inspector General of Police (Eastern Range) Shillong, u Deputy Inspector General of Police (Western Range) Shillong, u Superintendent of Police (CID) Shillong, u Superintendent of Police, East Khasi Hills, u Superintendent of Police, East Jaintia Hills, u Superintendent of Police, West Jaintia Hills wa u I/c CELL-X (NDPS), CID Meghalaya, Shillong wa kiwa kreh kam ki Member.
Ka Anti-Narcotics Task Force u kreh hi ko wow pynsangeh yei khayi, yei dih drugs, u kem wei wow pynngat hapoh ka aiñ ya kiwa dai drugs wei wow pynman leh yei pynsñiawthooh paidbah yei maa hawa pynemkaam drugs wei wow ya krehlang wa waroh ki chnat sorkar, ki dorbar chnong wa kiwi kiwa emkti ha ini i kaam.
Waroh ini u leh deiwa ya krehlang waka sorkar jylla kamjooh waka sorkar pyrdi yow poi cha ka thong yow man ka India kawa lait nei drugs.
