U DC ka West Jaiñtia Hills da pyntip u wa neidaw wa em ka yaknieh thaw hapyrdi ka chnong Maskut wa Tyrchang hadien wa em kiwa ah ya ki dieñ kseh ha i thaw wa tip kam i Rashi Ryndem.
Wei heiyatoh wa ini da em ar tylli ki Non FIR Case wa da e ha ka yung bichaar u Executive Magistrate wei da phah soi leh ya ka Bond hapoh ka Section 107 CrPC ya ki waheh chnong kini ki ar chnong deiwa kular wym sdang ki ya iwon iwon i pynkulmar.
Kamtæ neiliang u DC uwa man leh kam u District Magistrate da pynkrehkaam u da ka Section 144 Cr.PC ha ki bynta ka thaw wa ya kajia wa tip kam i Rashi Ryndem deiwa khang yei yalang 5 ngut ki bru ha kani ka thaw wei u rah ya ki tiar pynmynsoo da kiwon kiwon ki bru.
Da khang leh wow ah dieñ ha ka kani ka thaw wa em i ya kajia wei wow chim u rah ya ki dieñ lane wow chim ya iwon iwon iwa mih napoh kani ka thaw.
Kani ka hukum toh kawa krehkaam nadooh ka 20 tarik uni u bnai hadooh wa pynbna da kamwi.
