Hadien wa chem yei jhep wa boon bha iwa dapoi chadooh ka Ganol Dam wa em ha West Garo Hills wa da rah ka um hadien wa joor u slap, neiliang u DC ka District da pyntip u wa ini i jhep toh iwa mih na ka yaaw Rongram.
Da ong u leh iwa rap eh chooh chooh toh wa kani ka um wa em cha wah ka Dam da taan da ka PHE yow pynpoi umkor cha kiwa chong chnong ka Tura.
Tangwa da ong u wa kani ka Dam toh kawa da em iwa da booh da ker yow lait i jhep wow psiah chapoh ka Dam wei ka um wa pynlait na kani ka Dam toh ka wym em de i jhep wei ka PHE leh da pynkhooid ko ya ka um chwa wow phah cha ki yung ki sem ki bru.
Da pyntip u leh wa daw pynkhooid yeini i jhep wa dapoi cha kani ka dam mynstep i step ka 23 tarik.
U DC da rai u leh wow daiñ kuna T. 1 lak ya ka Rongram Bazaar Committee neidaw wym ye ki u khang yei lai i jhep cha ki um ki wah wei kani ka poisa u pynemkaam ka yow pynkhooid ya kani ka yaaw.
Da kyntu u leh ya ki paidbah wow man kiwa lehkhooid khamtam heiyatoh wa i jhep deiwa chimkhia u pynlang deiwa toh rukom khamtam cha i ki thaw wa man loom wa suk i jhep u chah kit chah rong ha ka um.
Da ong u leh wa ka chnong Tura ye ko wow pyut lada ym bien u pyrkhat deiwi yei emakaam u man kiwa lehkooid deiwa pynrap wa manda sdang, kiwi leh daw bood ki.
Puræ leh: Da wai ya ka 22.5 MW Ganol Hydro Power Project kawa T. 560 Klur
