Ki ar tylli ki seiñbhalang kitæ ka HYC wa JYF na East Jaiñtia Hills da thoh ki cha u Executive Engineer ka Khliehriat Distribution Division MePDCL hajrong i ku ka bai bordiñ wot hapyrdi wa pyndooh bordiñ ka sorkar hadooh 10 kynta chi sngi.
Da ong leh wa da yoo phylla wa wot hadien wa da hiar u slap, i pyndooh bordiñ da pteiñ i iwa da ktah bha ya ki paidbah ha waroh ki liang nadooh i khih i khan wa iwa emkaam wow pyndep man-ka-sngi.
Kamtæ ki ar seiñ da ong ki wa hapyrdi ini i duna bordiñ, ka bai bordiñ won ku bait ko iwa da pynkhia yei yukit ki paidbah ki wym sñiawthooh de kammon da kheiñ bai bordiñ wot ha ini i por wa thut wei pyndooh bordiñ da ki kynta.
Ki ar seiñ da e por ki 10 sngi wow e jubab hajrong ini yow sñiawthooh ki paidbah yow lait na iwon iwon i suba sih na kiwa chong chong ka East Jaiñtia Hills District.
