Ynne kamwa da leh ha kylleiñ ka ri wa ka pyrthai, ha Jowai leh ki para wa ngait ya ka niam Islam kiwa tip kam ki Muslim da pyndep ki ya ka Eid Ul-Adha ka lehniam kawa jooh pynman man-u-snem.
Kani ka lehniam da pyndep ya ka kam ka dak wow burom ya u Abraham (Ibrahim) uwa da smat wow e kñia ya u khon yong oo, u Isaac (Ishmael) kam ka dak wow bood ya ka hukum u Blai tangwa chwa wow kñia ya u khon u neiliang u Blai dei wyrai da e salan u da ka langbrot wow kñia.
Ha Jowai, ynne ya ka lehniam da pyndep ya i ngoohblai næ ka Namaz ha Masjid kawa em ha Chahtngit, Iawmusiang ya kawa da yahkhmat da u Imam, u Mohammad Hussain.
Ha kani ka Namaz da wan chimbynta da ki spah ngut ki chynrang kiwa chong wa sah ha Jowai.
