Katkam ka khubor wa da phah da ki pulit ka West Jaiñtia Hills District, hadien wa da yoh ki u kem ya uwi uwa tip kam u Jimmy Sutnga wei deiwa phla u, ynne i step heipor kamwa 3:00 waje da lai kem sa ya u Sdangki Myrphet uwa katkam wa chem ki pulit toh uwi na ki heh wa dai drugs ha chnong Jowai.
Hawa kynreh ya uni, da chem na oo 4.61 gm i drug Heroin, ka poisa wa T. 1,90,500 wei da kem leh ya kawi ka kari Alto 800 ka wym em Number wa pynemkaam u.
Na uni da yoh leh u kem ya ki khieh sabon, ki tadong duma Golden, ki klong khian (Pencil Vials) wa kiwi.
Ki pulit da pyntip ki wa najrong wa kem, daw pynchitom leh katkam ka aiñ.
Ha kani ka tayaaw, ki pulit ka District da dep ki wow yoh kem 6.02 grams i drugs.
