I kaam wa yatoh wa kiwa sah ha Them Iew Mawlong iwa da bichaar leh da ka Meghalaya High Court hapoh ka PIL wa da yaleh da ka Harijan Panchayat Committee pyrchah ya ka sorkar jylla yei thmu wow kyrriah ya ki cha iwi i thaw da chong bichaar biang ya ka ynnin ka sngi.
Kiwa bichaar wa kynthup ya u Chief Justice, u Justice Sanjib Banerjee ha ka hukum wa da pynmih da ong wa ka Harijan Panchayat Committee da lehke leh kyndeh ki ya ka High Court kamjooh ya ka sorkar jylla heiwa ini wa dep da yah bakla ki deiwa ong wa em sa du iwi donhi i kaam wa khian wa dang sah iwa hap wow pynbait chwa wow kyrriah noh. Wei ini i rukom ong da pynsñiawthooh bakla ko ya ka yung bichaar.
Kamtæ ka yung bichaar da phah ko ya ka sorkar wow leh noh chisyndon yeiwa emkaam yow pynkut smat noh ya ini i kaam yow chong bichaar biang ha ka 18 tarik uni u bnai ya kani ka PIL.
Kam wow pynkynmoo wa ka Harijan Panchayat Committee ha u Naiynru da pdiang ko yeiwa da pynkhreh ka sorkar namo ka Blue Print yow kyrriah ya ki 342 ngut ki manyung cha iwi won i thaw wa da pynkhreh da ka sorkar tangwa hadien ini won da paan ki chiboon iwa ym ye de ka sorkar wow pdiang.
Ini toh yow e thaw ya ki hapoh ka European Ward deiwa yoh ki mar 200 sq.m kawi ka manyung deilang waka poisa wei i thaw toh u heh i 10 Acre.
Ka sorkar da tyrwa ko ya ki da ki yung Apartment wa em ha i thaw ka Shillong Municipal Board ha Bivar Road, Shillong.
