I kwah wanrah UCC pynyoo wa ka BJP em ko i thmu wow yooh beiñ ya ka riti dustur

Ki seiñ saiñ pyrthai wei kamjooh ki seiñ waphær waphær ha waroh kawi ka ri India da khih ki ha kini ki kajiak sngi wa da dep hajrong i thmu yong ka sorkar NDA wa da yahkhmat da ka BJP wow pynkrehkaam ya kawi ka aiñ, ka Uniform Civil Code (UCC). Hajrong ini i thmu, hapoh ka jylla Meghalaya leh da sdang wow khih heiwa ka Khasi Hills Autonomous District Council (KHADC) da mynjur ko leh yei rai (Resolution) wow pyrchah deiwa eh ya ini i thmu wow wanrah ya ka jooh ka aiñ ini wa dep.

Ka Executive Committee wa thymme yong ka KHADC ynne ka sngi da pynman ko yaka yalang wa ki khlieh synchaar wei kamjooh ki seiñbhalang waphær waphær yow ya phyllu hajrong ini i thmu yong ka sorkar India.

U Deputy Chief Executive Member ka KHADC, u Pynshngaiñ N Syiem da ong u wa kani ka yalang man ko yow pynskem chooh chooh yei rai yong ka yung dorbar ka KHADC wei kam ki paidbah ka jylla u pyrchah ki deiwa khor ya ini i thmu wow wanrah kawi ka aiñ wei ya kani ka rai daw phah leh cha ka 22^th National Law Commission ka ri India.

Hawa kylli wa katkam ka Article 44 yong ka riti synchaar ka ri kawa da e bor ya kawon kawon ka sorkar wow pynkrehkaam ya ka UCC hadien wa da yoh yei mynjur ha Parliament. Neiliang u Pynshngaiñ da ong u wa lada ki sorkar waroh chi kattu ym wanrah ki ya kam kini ki aiñ kiwa ktah ya ka riti ka dustur, ileh won kani ka sorkar NDA da wanrah ko. Da ong u wa ini pynyoo ko wa ka NDA em ko ya ka thong wow yooh beiñ ya ka riti ka dustur yong kani ka jylla.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da ong u wa ka Article 44 ym mut wow wanrah bait ya ki aiñ pyrchah yeiwa sñiaw ki paidbah ka jylla yong i deiwa pynrap wa lada ka sorkar wa yahkhmat da ka BJP u lai ko chakhmat wa ini ka aiñ, neiliang ka Council daw yaklam yaphyllu biang ko ryngkat ki dulir wa ki thoh kiwa da em chwa.  

Neiliang kiwa yahkhmat chnong wei kamjooh ki seiñbhalang leh da pynsñiaw ki ya ka jooh ka sur wym man iwa biang ya ka sorkar India wow wanrah bait ya ka UCC khamtam ha ki thaw ri-loom kiwa man kyrpang ha ki rukom im wa ki riti ki dustur.

Ha kani ka yalang da mih leh i e yumut wa ki 10 tylli ki District kiwa em ha ka thaaiñ lian mihsngi ka jylla wow tyllilang ki da iwi i sur yow pyrchah ya ka UCC.