Ka KSU East Jaiñtia Hills ini wa dep da dawa ko na u DC ka East Jaiñtia Hills ha ka 9 tarik u Naiynru uni u snem wow booh ya ka chnat ka ITI hapoh ka District lane da ka Vocational Training Centre neibhah ini daw yarap ko ya kiwa sah cha ki thaaiñ palatsor wow yoh sikai ki yow ye ki wow seiñ khih kamjooh yow pynduna yei dooh kreh ki khynroo khyllod ka thaaiñ.
Kamtæ kam chibynta wow booddien ya ini, ka seiñ ha uni u bnai da thoh biang ko cha u DC wow e buit kam kiwon ki jait sikai namo ki Course waphær waphær wa em 19 tylli wow em hapoh kani ka ITI khamtam ya kitu ki khynroo khyllood ki wym em laad de u lai puræ.
Kini Course toh ka Stenography, Plumbing, Welder Fitter, Fruits & Vegetables Processing, Wireman, Electrician, Mechanic (Motor Vehicle), Draughtsman Civil, Information & Communication Technology, System Maintenance, General Carpentry, Advance Machine Tools, Electronics Mechanic, Digital Photography, Multimedia Animation & Special Effect, Driver Cum Mechanic (LMV), Solar Technician Electrical, Bakery & Confectioner wa Masonry.
Puræ leh: Dawa ka KSU wow booh da i thaw pynchna Transformer ha East Jaiñtia yow lait u dooh bordiñ da ki bnai
