Ka Additional Deputy Commissioner kawa pait leh ya ka Amlarem Civil Sub-Division, West Jaiñtia Hills da pyntip ko wa ka Meghalaya State Pollution Control Board da dep pynbna ko wa katkam ka hukum ka Ministry of Environment, Forest & Climate Change ka sorkar India hapoh ka aiñ Plastic Waste Management (Second Amendment) Rules, 2022, ki Plastic wa chah u pynemkaam toh u man ko katkam wa da booh kyndon ka Bureau of Indian Standards wei deiwa yoh yaka muhor ka Central Pollution Control Board.
Kamtæ da pyntip cha waroh ki karkhana, ki dukan, kiwa chongdai, ki Company kamjooh ki paidbah wa da khang wow chna, u pynlang, u dai wei wow saam ya ki Plastic wa pynemkaam du chisien donhi (Single Use Plastic) kiwa kam toh kiwa daw pyut (Biodegradable & Oxo-Biodegradable) khlem da pyntikna namo khlem da yoh Certificate chwa na ka Central Pollution Control Board (CPCB).
Heiyatoh won wa kiwi ki Plastic kiwa dang chna thymme kiwa pynemkaam du chisien donhi, da khang wow booh, u dai, u saam lada ym em man ki kiwa rben 120 Micron katkam ka aiñ Plastic Waste Management (Amendment) Rules, 2021.
Da phah ya waroh ki dukan, ki karkhana, ki Company wa kiwi wym toh u dai, u booh wei wow pynemkaam ya ki Plastic kiwa em hapoh 120 Micron i rben namo kiwa stang.
