Behdieñkhlam 2023: Dei mynsien wa kmen wa chongchit pynpoi ya ki Dieñkhlam waka Khnong Blai

Ynne ka sngi Mulong ka 7 tarik kawa man ka sngi wa ar yong ka lehniam Behdieñkhlam 2023 ka Raij Jowai, dang step da pyndep ya ka Syiem Kñia Aitnar hapoh i pait i yoo u Dolloi, Pator, Langdoh, Sangot, Wasan waheh wa ki kñi na ki kur waphær waphær heiwa ka kñia da man ko kawa miat wa bha.

Hadien ynnin wa ki Khonraij da pyndep ki yei rong i rah ya ka Symbood Khnong na khloo na kjam cha kjat u Loom Sooiung, ynne won ki Kmairaij da lai thooh ki ya ki Dieñkhlam na khloo wow wanrah chapoh ka Raij katwa ki Khonraij won u lithooh ki ya ka Khnong Blai.

Hadien ini da wanrah won ya ki Dieñkhlam cha Iawmusiang da jar jiar ki chnong wa kynthup ya ka Tpep Pale, Dulong, Panaliar, Loomiongkjam, Iongpiah wa Loomkyrwiang.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Neitæ won ka Khonraij da lai thooh ki ya ka Khnong Blai ya kawa da pynchong chipor ha Poh Sawiar (hajan ka yung krehkaam u DC, Jowai) wei da rah ya ka cha Loom Sooiung (hajan Marian Hills HSS) manda poi lut ki Dieñkhlam ha Iawmusiang.

Ynne ka sngi ki khynnah chynrang wa kynthai khynnah wa ki waheh da chaad ka’it ki hei mynsien wa kmen hei kieh ki bom, ki bikur, ki chæng chæng wa ka bhuri.