Ka KSU Narpuh Circle da khut ko ya waroh ki waheh chnong yong ka thaaiñ wow ya pyrkhat yonglang ki wei wow chim yei rai hajrong i long i mam u sarok NH06 uwa da sih da jæd la phrai hadooh wa da kulmar wang kiwa yah kari lyngba uni u sarok uwa pynyabi ya 4 tylli kiwi ki jylla nadooh na Manipur, Mizoram, Assam wa Tripura.
Ka seiñ da ong ko wa nei rukom man uni u sarok da yoo che yei baam tooh wa joor bha da kiwa synchaar hadooh wym lait ktien de ki hakhmat ka NHAI hanla uni u sarok da dai sarom u ya ka jylla.
Uni u sarok uwa da man waroh lynter kam ki nan dakha wei du hapoh 1 Km da em 3-4 tylli ki kari wa sih du neidaw wa leh uni u sarok iwa da wanrah kylla yei sahkut kari man-ka-sngi.
Tangwa ka seiñ won da ong ko wa ka sorkar da kawah pathan ko wo wow wanrah da ka luti rel hawa tang ya uni u sarok leh ym ye wow leh iyi iyi tangwa da yimphoo pathan wow chna da ka luti rel.
Kamtæ ka seiñ da ong ko wa chwa u chim yei rai, daw khut wow ya phyllu yumut lang wa ki bru wa bna naam wa ki waheh chnong ka thaaiñ Narpuh.
