3rd Divison: Jop ka Newhill, Mookaswan, Lumbhahdakha waka Moodop

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke.

Ha ka yalehke wa nyngkong, ka Newhill da jop ko yaka Salaroh da 12-0 da ki kool wa thap u Samson Swer haka minit wa 7, 9, 23 wa 36, u Hamewanbha haka minit wa 20, 48 wa 61, u Eleven Biam haka minit wa 25, u Meri Suchen haka minit wa 35 wa 42, u Dawanbiang Laloo haka minit wa 39 wa u Stevenson Phawa haka minit wa 59.

Haka yalehke wa ar, ka Mookaswan Dongnein da jop ko yaka Myrjai da 1-0 lyngba ka kool u Jeremy Shylla haka minit wa 31.

Haka yalehke wa le, ka Lumbhahdakha da jop ko yaka Riatsaliya Mihmyntdu da 3-0 da ki kool wa thap u Gideon Mukhim haka minit wa 6 wa 50 wa u Sumarlangki Suting haka minit wa 68.

Related posts

Super Division Saipung: Jop ka Lamyrsiang

November 22, 2024

Santosh Trophy 2024-25: Jop ka Meghalaya sa ya ka Nagaland

November 22, 2024

Haka yalehke wa soo, ka Moodop Royal da jop ko yaka Pammanik da 1-0 lyngba ka kool wa thap u Harveststar Dhar haka minit wa 47.

Mynstep leh daw pynman biang soo tylli ki yalehke kiwa daw sdang da ka Mookyrdup waka Sohmynting Dongnein heipor 10:30 i step. Ka Umshangiar waka Pateiñki Sabah heipor 12:00 waje pyrdi sngi. Ka Khliehmyntdu Neinchnong Mihmyntdu waka Mupliang heipor 1:30 i sngi. Ka Samaro waka Royal Pole Mihmyntdu heipor 3:00 waje i sngi.