Ka Hynniewtrep Youth Council (HYC) da lai toor ko syndet syndet cha ka khyrdop yong ka Secretariat ynne ka sngi wow dawa na ka sorkar yow pynkrehkaam noh ya ka Inner Line Permit ha ka jylla. Neiliang ki dkhot ka HYC da kbai ki leh ya ka sur wow pychah ya ka luti rel hapoh ka jylla katwa ka sorkar ym pu ye ko wow pynbiang ya ki aiñ wow yada nei chah tlep ha ki bru kiwa na baar.
Ha kani ka yakhih kawa syndet da sdang heipor kamwa 12:00 waje ynne ka sngi, da em leh ki dkhot ka seng kiwa da rah ya ki Placard yow pynyoo yei pyrchah yei klam yong u President ka MPCC, u Vincent H Pala hajrong ka luti rel.
Mar ya tip ya ini i wan toor ki dkhot ka HYC, neiliang ki pulit wa ki Magistrate da poi ki ha katai ka thaw wow yaklam wa kiwa yahkhmat ka seiñ, tangwa neiliang ka seiñ da klam che ko wa ym kyrriah na katai ka thaw katwa ym pu yoh u yaklam wa u Montri Rangbah wa u Symbood Montri Rangbah hajrong itai i dawa.
Discussion about this post