Wan e ka UDP 8 tylli ki phang wa kwah u pynkylla hapoh ka Reservation Policy

Ynne ka sngi, ka United Democratic Party da e kti ko yeiwa da tyrwa e yumut wa kynthup ya 8 tylli ki phang hajrong i pynkhreh ka sorkar wow bichaar biang ya ka Reservation Policy.

Ya ka liang ki UDP da yahkhmat da u General Secretary, u Jemino Mawthoh wei da e kti ya ini wa da kwah ki wow pynsñiaw ha ka Chairperson ka Committee on Reservation Roster & Resersation Policy, ka Ampareen Lyngdoh.

Hawa klam cha ki laad pathai khubor, u Jemino da ong u wa i yumut yong ki toh wym hoi u em i leh chiliang ya kawon kawon ka jaitbru tangwa wow pdianglang waroh.

U Jemino da ong u wa ka Chairperson da ong ko wa ya katni ym pu man wow khana yei e yumut neibhah wa daw hap wow rah cha ka Expert Committee yow bichaar, kawa ye leh wow khut ya kiwa yahkhmat ka UDP wow pynche hajrong ki phang wa da e kti.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

U Jemino da ong u wa da emlang wa ki Garo la 50 tylli ki snem wei hawa bichaar lang ya ka Reservation Policy ym toh u ktah tangwa u wanrah yei bha ya ki jaitbru ri-loom.

Da ong u leh wa ymtoh du ki Expert kiwa na baar wa pliah tangwa ha kani ka jylla leh em ki wei bha lada em wa kiwa na kani ka jylla ki wow rap sñiawthooh rap bha yei long i man.

U Jemino da ong u wa lada yaklam hajrong i boon næ i duna bru, daw chong hei stat ka Expert Committee. Da ong u wa i bichaar ymtoh ware u pait du yei boon bru wei da e nongmuna u wa lada yaklam ya ki OBC i bhah kaam ki man ko 27% tangwa lada chim yei em kiwa chong chnong da man ki 40% ha ka ri India wei lada chim du dei boon bru, i yoh bhah ki OCB toh u ku i hapoh ka ri tangwa em da kiwi ki yurim kiwa hap wow bichaar lang.

Da ong u wa lada em ka laad, ka jaitbru Khasi toh u yoh chooh chooh ka laad ka luti wow nang ku.

Hajrong i wym bien ka VPP wow e yumut cha ka sorkar hajrong ka Reservation Policy, u Jemino Mawthoh da ong u wa bha wow kylli wei chong hei stat yong ki neibhah ye u man wa em ki i thmu iwa rap bha leh.

Da ong u wa neiliang ka UDP kamwa da phah ka Committee da leh yei bynta e yumut hajrong kani ka phang wa jwat hadien 50 snem neibhah ym man iwa suk wow pynkylla syndet syndet khlem da ya pyrkhat bniah.