I pynkrehkaam ya ka UCC daw pyndooh ko yei chim jait na ki kynthai: KJCLF

Ka Khasi Jaintia Christian Leaders Forum (KJCLF) da pynsñiaw ko yei pyrchah ya ka Uniform Civil Code (UCC) deiwa ong wa ini daw wanrah ko yei pyndooh yei chim jait na ka kynthai hapoh Meghalaya.

Ka KJCLF da ong ko wa waroh ki jaitbru wa ki jait niam em ki jar jiar i kyndon wa da myllien wei da pdiang leh heiyatoh wa i chongkha chongman, i pynlait kurim, i hiar pateiñ ki thaw ki bhaw wa kiwi de wa da em da jar jiar i rukom wa da bood.

Kamtæ u sdang bood noh du kawi donhi ka aiñ deiwa pynkylla noh ya waroh iwa da bood nadooh nachwa toh i wym ye u pdiang khamtam ki jaitbru Khasi wa Jaiñtia kiwa da kheiñ jait na ka kynthai wei deiwa bood ko ya ka UCC daw wiar ini iwa kyrpang i rukom wa bood ki Khasi wa Jaiñtia.

Ka KJCLF da ong ko wa ka ri katni toh emkaam ko wow wanrah yei yatylli wei ya sñiawthooh para kiwa chong chnong yow lait nei ya sñiawthooh bakla yow wanrah yei suk i saaiñ wa i roi i paar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da ong wa ka Law Commission wa 22 katni toh u bood ko yaka 21^st Law Commission kawa da ong wym emkaam u pynkrehkaam ya ka UCC tangwa iwa kwah wow wanrah ya ka UCC katni da kani ka sorkar pynyoo yei wym tip u pyrkhat wei i wym sñiawthooh yei long i man hapoh ka ri.