Ka MeECL ynne da pyntip ko wa deiwa sdang dap ka um ha Umiam daw pynduna chooh chooh yei por wa pyndooh bordiñ heiwa ha Shillong, Tura wa Jowai u pyndooh bordiñ du 2 kynta donhi katwa ha kiwi won ki thaw u pyndooh 5 kynta chi sngi nadooh ka 18 tarik uni u bnai.
Da ong leh wa ka MeECL ha kini ki tayaaw wa dep da pynduna ko yei pyndooh bordiñ ha ki thaw wa man sor da 5 kynta nadooh ka 12-07-23 wei 4 kynta nadooh ka 15-07-23.
Chooh chooh da ong wa daw pyndooh syndon yei pyndooh bordiñ deiwa ye u pynneh ya ka um katkam wa emkaam ha Umiam deiwa pyrkhat leh ya i por tlang wei hadooh wa poi biang i por lyiur yong u snem wow wan.
Da kdaw leh wa kamwa man kattæ hapoh ka jylla da pynuiñ ko ya ka 450 Million Unit i bordiñ wa da chim na kiwi ki thaw pynmih bordiñ nadooh i por tlang u snem wa dep wa ha kini ki bnai wa dep wa duna um.
Neiliang u CMD ka MeECL, u Sanjay Goyal da ong u wa ini wa da pynbait i rukom pyndooh bordiñ toh deiwa pykhat i wym ktah ya ki paidbah.
Discussion about this post