I yakhih deiwa chah thngan wa da pynman da ka A’chik Conscious Holistically Integrated Krima (ACHIK) yow dawa pyndap ya ki kreh wa da dooh bhah ki Garo wei kamjooh yow dawa pynman ya ka Tura kam ka Winter Capital dang pteiñ hi i tangwa u DC ka West Garo Hills da pyntip u wa da leh ki yeini khlem da yoh bor.
Da pynche u wa da dep ki wow paan bor yow pynman ya ka chong kyllaiñ myngngor deiwa jai-jai neibynta ka chi sngi itæ ha ka 11 tarik uni u bnai heiwa da e bor ya ki. Hadien ini da paan bor ki deiwa pyntip leh wa daw em sa i chah thngan i wym em pdiang ki bor District iwa mut wa da leh ki ya ini i chah thngan khlem da yoh bor.
Kamtæ u DC da ong u wa da tyngkheiñ ki ya ka Section 188 ka IPC tangwa da ong u wa da yakhih ki deiwa jai-jai tæ da pyrkhat ya ki wei ym mut wa ym chah pynngat ki ha ki kyndon aiñ lada ym ye ki wow pynkut ya kani ka yakhih.
Da pyntip u leh wa ym e bor ya ki wow pteiñ ki yei yakhih hadien wa kut ka 7 sngi wa da dep e bor ya ki.
Heiyatoh wa i long i man kiwa chah thngan, da pyntip u wa da booh ki Doctor wa pait ya ki wei da pynkhreh leh ya ki Ambulance kamjooh ki Magistrate wow pait ya ini i kaam.
Chooh chooh da pyntip u wa da khana u cha ki wa daw wan u Montri Rangbah cha Tura ha kani ka tayaaw yow yaklam wa ki wei ki da khana ki wa i dawa ya ka bhah wa da dooh kreh ki Garo hei khih sorkar ym em mut ki wow e chisien e tangwa wow leh kajiak chisien.
Discussion about this post