3rd Division: Jop ka Myrjai, Lumbhahdakha waka Nangbah Pohchnong

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke.

Ka yalehke wa nyngkong da kut ko da 1-1 hapyrdi ka Mookaswan Dongnein waka Chyrmang Wah.

Ya ka Mookaswan Dongnein da thap kool da u Tei Lyngdoh haka minit wa 65 katwa ya ka Chyrmang Wah da thap da u Arkiru Bang haka minit wa 42.

Ha ka yalehke wa ar, ka Myrjai da jop ko yaka Salaroh da 5-0 lyngba ki kool wa thap u Lamphrang Kyndait haka minit wa 15, u Jumonki Phawa haka minit wa 23 wa ka Hat-Trick na u Treilang Kyndait uwa da thap ha ka minit wa 26, 65 wa 69.

Related posts

Super Division EJHDFA: Khlem em wa jop ha waroh ar tylli ki yalehke

November 14, 2024

Daw wan yalehbol ka Racing Club de Blackheath kawa na UK ha Wahiajer

November 14, 2024

Ha ka yalehke wa le, ka Lumbhahdakha da jop ko yaka Catholic Youth Mihmyntdu da 3-1.

Ya ki kool ka Lumbhahdakha da thap da u Daeimitre Suchiang haka minit wa 42 wa 46 wa u Gideon Mukhim haka minit wa 52 katwa ya ka Catholic Youth da thap da u Arki Tariang haka minit wa 54.

Ha ka yalehke wa soo da jop ka Nangbah Pohshnong yaka SCSC Nonglatem da 2-1.

Ya ka Nangbah Pohshnong da thap da u Bahrang Lyngdoh haka minit wa 41 wa u Riyo Dhar haka minit wa 46 katwa ya ka SCSC Nonglatem da thap da u Tomi Lamare haka minit wa 19.

Ki yalehke mynstep u pynman biang soo tylli kiwa daw sdang da ka Lumkhangdong Kyndongtuber waka Youth Social Welfare Pynthor heipor 10:30 i step. Ka Lumpyrtuh Mihmyntdu waka Madan Thadmuthlong heipor 12:00 waje pyrdi sngi. Ka Moodop Royal waka Riatsaliya Mihmyntdu heipor 1:30 i sngi. Ka Da-I-hi Mynsngat waka Lumchyrmang Mihmyntdu heipor 3:00 waje i sngi.