Chah kem 4 tylli ki Truck waka pooh chiloom wa tih moo tooh na wah Myntdu

Hei miet synyaaw ka 18 tarik, da pyntip wa em kawi ka pooh chiloom wa tih mooh pyrchah ya ka aiñ wei pyrchah ya ka hukum ka NGT na ka wah Myntdu ha Treiongriang, Jowai.

Mar ya tip yeini, neiliang u President ka Khooid Ya Ka Wah Myntdu, u KL Pariat wa u President ka Jaiñtia Students’ Movement (JSM) u Jordan Rymbai da hiar ki wut-wut cha ini i thaw.

Manda poi ha ini i thaw chirup wa ki pulit ka Jowai Police Station da kynreh ki ya ki Truck Dumper heiwa da chem ya ki moo wa da kit tooh dei miet synyaaw. 

Hawa kylli na uwi na kiwa yah ya kini ki Truck da khana u wa ya ini da leh katkam wa phah u F. Hinge wei u pynhaap ya kini ki moo ha Laad Mustem.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Neiliang ki pulit da ksoh noh ki ya kini ki Truck waka pooh chiloom.

Neiliang u KL Pariat da ong u wa ini toh i kaam wa man pyrchah aiñ wei ka um wa dih ki paidbah ka sor Jowai da man bait ko kawa jngut.

Da kyntu u leh ya kiwi wa ymtoh u leh khiar u leh pynsih ya kani ka wah wei neiliang kini ki ar seiñ da ujor ki leh da ka FIR ha Jowai Police Station.