Phah pynsangeh ka SC yei tympdung karkhana Coke ha East Jaiñtia

Ka Supreme Court ka India ynne da bichaar ko ya ka mukotduma wa da yaleh da ka Druk Fuels Limited pyrchah ya ka sorkar Meghalaya kiwa da dawa pynsangeh ya ka hukom wa da pynmih yow tympdung tympra ya ki karkhana Coke.

Kamtæ ka yung bichaar kawa ha khlieh dooh ka ri hadien wa da ap ko ya ki muktiar kiwa yaleh mukotduma, da pynmih ko ya ka hukum yow pynsageh ya ka hukum wa da pynmih u DC ka East Jaiñtia Hills yow tympdung ya ki karkhana Coke tangwa u DC won em hok u wow khang ya ki thaw wa em ki karkhana Coke yow lait ki wow krehkaam.

Kam wow kdaw heini ha ka 13 tarik uni u bnai kawi ka karkhana Coke wa tip kam ka JMK Coke Industry Pvt Ltd leh da dep yaleh mukotdum ko ha ka High Court ka Meghalaya yow pynsangeh ya ka hukum u DC ka East Jaiñtia Hills yow tympdung ya ki karkhana wa em ha East Jaiñtia Hills District deiwa e daw wa da dep pynlut ki chiboon yow chna u pynyieñ ya ka karkhana deiwa yoh bor ki na ka Single Window Agency.

Tangwa ka High Court da ong ko wa i yoh bor naka Single Window Agancy toh deiwa em kyndon wow paan bor deiwa yoh ya ka CTE wa CTO chwa wow chna, katwa kani ka karkhana da lai ko chakhmat wow leh yeini wei ini da man chwa i pyrchah ya ka aiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka High Court da kyntait wow pynsangeh ya ka hukum u DC wei da phah su leh T. 1 lak ya kani ka karkhana cha ka Meghalaya State Pollution Control Board.