Ka yalang yong ki chnat sorkar wa da pynman hapoh ka State Steering Committee hei pynlai da u D.P. Wahlang IAS, Chief Secretary ka jylla wa da pynman ha Main Secretariat, da emlang ki Director (MI, MCH&FW, R) wa kiwi ki sahep ka chnat Health & Family Welfare Department, National Health Mission, Social Welfare Department, Education Department, Housing Department, Civil Defense Department, Urban Affairs Department, Sports & Youth Affairs Department, Labour Department, Mining and Geology Department wa kiwa mihkhmat ka WHO, UNICEF, UNDP & JSI da khana wa kiwa da yoh tika hapoh Meghalaya kamwa man kattæ toh 89%.
Kani ka yalang man ko leh kam chibynta wow sñiawthooh kammon wow ye poi i e tika cha kitu ki wym pu ye u poi lyngba ka Intensified Mission Indradhanush (IMI) 5.0 kawa daw pynman 3 bnai yow chem kiwon ki wym pu em yoh tika wei daw pynman ka le wat.
Da pynbait wow sdang nadooh ka 7 tarik hadooh ka 12 tarik u Naisaphra, neitæ nadooh ka 11 tarik hadooh ka 16 tarik u Naikhynde wa nadooh ka 9 tarik hadooh ka 14 tarik u Naichiphaw.
I thaw wow e tika da jied ha kitu ki chnong wa duna bha kiwa da yoh tika neibynta ki khynnah kiwa nadooh 0-5 snem i rta kamjooh leh ki kynthai kiwa punkhon.
Kawi na ki thong toh wow pyndooh jait ya ka kjut Measles-Rubella deiwa e tika wow yada na ini i kjut deiwa poi palat 95% kiwa yoh tika kat ha u Kmaichonglad (Dec) 2023.
Lyngba kani ka Intensified Mission Indradhanush (IMI) 5.0 daw pynemkaam leh ya ka U-Win kawa man ka Website wow Register wei wow boddien ya kiwa toh u yoh tika wei daw pynemkaam ka hapoh ka ri wa ha Meghalaya leh kamjooh.
Deiwa yarap ka UNICEF daw thooh bniah leh kammon wow pynku yei boon kiwa yoh tika, yow sñiawthooh leh kammon sñiaw ki bru hajrong i chim tika wei yow tip leh kammon u leh yow lai chakhmat.
Hadien wa dep u leh yeini waroh wei manda rai kammon u leh, daw pyrchang nyngkong ha ki ar tylli ki District kitæ ha West Jaiñtia Hills District wa ha Ri-Bhoi District kam chibynta ka IMI 5.0 Campaign chwa wow sdang ha waroh ka jylla.
Discussion about this post