Ynne ka sngi da pynman ya ka yalang hapyrdi ki bor District ka West Jaiñtia Hills hei emlang ki pulit wa kiwa pynlai ya ka Thomas Jones Synod College, ka Dr. Noman Tunnel Hospital, ka Jowai Municipal Board (JMB) wa kiwi kiwi.
Hadien ini hawa yaklam wa u Chairman ka JMB, u LD Lakiang da pynsñiaw u yei sñiawsih wow yoo wa wanrah ki bru ya i jhep ha u sarok Thomas Jones Synod College wa ha Madam Siatthong ka Seiñraij Jowai wei ini pynyoo i wa ki bru ymem ki yei sñiawtre wow da u syndong (Civic Sense) ya ka chnong ka thaw.
Da khana u wa ha ka yalang da chim ya ka rai wow chah noh wow psiah u mih (Two-Way) ya ki kari ha laad Thomas Jones Synod College wei ym chah de ya ki kari kamai wow yieñ ki heini.
Chooh chooh da ong u wa ym chah de wow noh jhep ha kani ka thaw wei da kyrpaad leh wa ki dukan wa em CCTV Camera ha ini i thaw wow yakrehlang khnang wow ye u kem wei wow pynchitom ya kiwa leh pyrchah yeini.
Heiyatoh waka Madan Siatthong da khana u wa da em ka tin wa da booh wow noh-jhep ki tre dukan khnang wow wanrah yei khooid i yoosuk ya ka sor Jowai.
Heijooh i por da khana u wa daw pynmiat ya ki bynta uni u sarok heiwa daw yachem wa u MLA heiyatoh wa ini.
Da ong u leh ki kari kamai wa kwah u pynyieñ kari heini da em i thaw pynyieñ kari ya ki ha Loomsooiung, Newhill i yong u N. Challam khnang wow suk ki liang wanang.
Discussion about this post