Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.
Ha ka yalehke wa nyngkong, ka Royal Pole Mihmyntdu da jop ko yaka Nangbah Khlopanoo da 3-1.
Ya ka Royal Pole Mihmyntdu da thap kool da u Pynchai Chullet haka minit wa 5 wa 14 wa u Marsanki Suchiang haka minit wa 44 katwa ya ka Nangbah Khlopanoo da thap kool da u Aiban Lamare haka minit wa 64.
Ha ka yalehke wa ar, ka Mulang Ialong da jop ko yaka Lumpyrtuh Mihmyntdu da 2-0 da ki kool wa thap u Tellmi Mulieh haka minit wa 50 wa u Challet Phawa haka minit wa 64.
Mynstep ki yalehke u pteiñ biang ki da ar tylli kiwa daw sdang da ka Mookaswan Dongwah waka Kseh Sylle Ialong heipor 10:30 i step wei daw pynbood da ka Madan Kynsaw Mawkyndeng waka F.A.M heipor 12:00 waje pyrdi sngi.
Discussion about this post