Ka Vikings FC (Khliehriat) da rah ko ya ka 7th Open To All Knockout Football Tournament 2023 wa da pynman da ka Moosianglamare New & Youth Welfare Organisation Sports Club kawa da pynhaap pyrda ynnin ka 27 tarik.
Ka yakhun pynkut toh hapyrdi ka Vikings FC waka Rymbai Skhenshynriah SC heiwa yei jop da rai deiwa yachut Tie-Breaker kawa da lai cha ka Vikings da 5-3.
Yei naam Man of the Match da yoh rah da u Banshan Swer naka Vikings, yei naam Best Goal Keeper da yoh rah da u Livingster Swer naka Vikings, yei naam Best Player da yoh rah da u Kitboklang Pale naka Rymbai Skhenshynriah.
Ka Vikings FC (Khliehriat) kam ka Champion da yoh ko leh u rah yaka song poisa kawa T. 1,70,000 deilang waka Trophy katwa ka Rymbai Skhenshynriah SC da yoh ko T. 1,00,000 deilang waka Trophy.
Ya kani ka yakhun Final da wan wow pynhaap pyrda da ka Santa Mary Shylla, MLA ka Sutnga-Saipung kam ka kongsan tangwa neidaw wym lait ko da phah ko da u bru yong ka, u Moses Nongtdu.
Discussion about this post