U Conrad K Sangma uwa man u Montri Rangbah ka jylla da maham u wa ka sorkar daw leh ko deiwa khor ya kiwa pathai khubor, khamtam kiwa na baar kiwa pynmih ya ki khubor wa yah bakla khlem tip yeiwa sakhiat.
Ini i klam u Conrad toh heiyatoh wa i awri awra wa mih ha Mahadev Khola iwa em ka Shiva Temple iwa da jia ha ka 24 tarik uni u bnai. Da ong u wa i awri awra wa da mih ymtoh nei yaphær jaitbru namo yaphær niam.
Da ong u wa katkam ka yutip wa da yoh, em kattu katni ki bru kiwa da lai ha iwi i dukan wa em ha ini i thaw wei da mih i awri hapyrdi ki ar liang wei da dat ya kawa dai dukan, tangwa suk wow stat pakhlat wa ini toh na i yaphær niam neibhah da jia haprydi ki ar liang.
U Conrad da khana u wa kini ki bru kiwa emkti ha ini i jia ymtoh iwa emkti wa kawon kawon ka seiñ wei da kyntu u leh wa ymtoh u pynpoor khubor hamsaya deiwa ong wa ini toh nei yaphær niam næ jaitbru.
Puræ leh: E FIR ka KSU pyrchah yaka LRO kawa pynbaad emkti dat bru ka seiñ ha Mandir
Discussion about this post