Ka Sumer Socio Culture Sports Education & Entertainment Development Society deiwa ya krehlang waka Ams Entrepreneur Multipurpose Cooperative Society Ltd, daw pynman biang ki yaka lympung yalehbol kawa tip kam ka 3rd Sumer League ha u Naisaphra wow wan yong uni u snem 2023.
Ha kani ka lympung ha kani ka kynti u e laad u chimbynta du ya ki kur kiwa em hapoh ki ar tylli ki Elaka kitæ toh ki kur kiwa em hapoh ka Elaka Sumer waka Elaka Sutnga.
Tangwa ym chah u khlehlang kiwa yalehke na kawi ka Elaka cha kawi wei kiwa yalehke ym chah leh u yalehke ki na kawi ka kur cha kawi ka wym emyatoh kur lang ki.
Ki kur næ kiwa yalehke kiwa ya chimbynta ha kani ka 3rd Sumer League toh u pynsakhiat ki yei mantre Elaka ki deiwa pynyoo yaki dur Election waka kot na u waheh chnong.
Ka por waw pynkhle ya ki liang namo ki Team Kur wow ya chimbynta ha kani ka 3rd Sumer league toh haka 04-08-2023 heipor 10:00 waje i step ha chnong Samasi ha yung u Begin LS Paslein wa man kam u President ka Society.
Ki seiñ kur kiwa kwah u ya chimbynta ha kani ka lympung yalehbol yong kur ye ki wow Phone ha kini ki Number 7005412465/9856050447 hachwa ka tarik pynkhle.
Puræ leh: Rah ka Kur Salahe Pakem FC ya ka 2nd Sumer League 2022
Discussion about this post