U dam ka MCTA wow e sikai yaka First Semester yow pyrchah yei pynkrehkaam ya ka NEP 2020

Ka Meghalaya College Teachers’ Association (MCTA) da pynsñiaw ko yei pyrchah deiwa Boycott namo u dam u chim ya ki First Semester Classes kam ka dak wow pyrchah yei pynkrehkaam ya ka New Education Policy 2020 da ka NEHU kam chibynta leh wow pyndam yei pynbna namo ka Notification wa da pynmih ha ka 12-07-23.

Ka MCTA da pyrchah ko yeini i rai ka NEHU wa khlem da pyrkhat khamtam u Vice Chancellor yow lai chakhmat wow pynkrehkaam yaka NEP 2020 khlem da mynjur da ka Academic Council.

Ha ka yalang ka MCTA wa da pynman ha ka 29 tarik uni u bnai da yaklam yeini i ya tyngkhooh hapyrdi ka NEHU khamtam ya u Vice Chancellor wei da rai wow sdang da ka Non Cooperation Movement pyrchah ya ka NEHU deiwa dam u sikai namo u Boycott ya ka First Semester hapoh ka Four Year Undergraduate Programme (FYUP).

Kamtæ nadooh ka 1 tarik u Naisaphra 2023 hadooh wa da pynbna da kamwi waroh ki dkhot ka MCTA u Boycott ki ya ka First Semester.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Heiyatoh won wa ki 3^rd wa 5^th Semester i sikai u lai ki khlem da pynthut katkam ka Course.

Heijooh i por da ong wa ini daw wanrah ko chiboon i eh i khoo tangwa da khut yei ya krehlang yong waroh ki dkhot ka MCTA yow pynyoo yei yatylli yow lai ki kaam katkam ka kaam wa toh u lai.