Ka Dorbar Chnong Caroline Colony, Jowai, ha ka 29 tarik uni u bnai da pynlait paidbah ko ya ki Ticket Lucky Draw yong ka Fete ka chnong ka wow man ha ka 06-10-23 kam chibynta wow pynmih poisa ya ka skur miet yong ka chnong kawa tip kam ka Caroline Colony Evening School, Jowai.
U kongsan ha kani ka sngi, toh u Brightstar Chyrmang, MDC ka Jowai North wei ya ka yalang da pynlai da u G. Dkhar, Chairman ka Fete & Entertainment Committee DSCCJ, uwa da pdiang sñiawbha leh ya u kongsan wa kiwa emlang waroh.
Da yoh leh yei klam na u waheh chnong ka Dorbar Chnong Caroline Colony, u E. Lyngdoh, uwa da kyntu ya kiwa chong chnong wow ya krehlang ki hei wow pynlai paidbah ya kini ki Ticket khnang yow yoh u pynku ya kani ka skur miet wa ya ka chnong hi waroh kawi.
U kongsan, hawa e u yei klam yong oo, da e khublei u ya ka dorbar chnong kawa da seiñ ya ka skur miet kawa man kam ka laad yarap cha kiwa chong chnong kiwa emkaam yarap. Wei kamjooh leh, da kitbok kitrwiang u ya ka dorbar chnong waroh kawi hei wow man ka Fete yong ka chnong kawa lai bait lai ryntih wei kawa jop.
Khaddooh, da yoh ya ki kyntien e khublei na ka A.M.Q. Lyngdoh, Secretary Fete & Entertainment Committee yong ka dorbar chnong wei da pynwai ya ka yalang da u Chairman Fete & Entertainment Committee.
Ki Prize kani ka Lucky Draw man ki kamni ha wah:
1st Prize- Rs. 1,00,000
2nd Prize- Rs. 50,000
3rd Prize- Rs. 25,000
Ka bai Ticket man ko Rs. 20 chi sla wei Rs. 200 chi book.
Discussion about this post