Sdang i lehkmen dap 25 snem ka Jowai Presbyterian Secondary School

Ka Jowai Presbyterian Secondary School ynne da sdang ko yei lehkmen dap 25 snem hei lai luti wow e chakri hei stat i tip.

Ya kani ka lyngkhooh dap 25 snem namo ka Silver Jubilee da lehkmen ha Jubilee Hall ka Balang Presbyterian Jowai ha ka yalang wa pynlai u Pastor Rev. C. L. Laloo.

Neiliang u Moderator ka Presbyterian Church of India (PCI), u Rev. B.B. Lamin da ong wa ka PCI leh da e khublei Silver Jubilee ko ya kani ka skur.

Da ong u wa kani ka skur da man ko leh chibynta ka Balang wei ini i lehkmen ynne toh deiwa sñiawngooh wa khroo ya u Blai u wym jooh ieh ya ka skur uwa da emlang bait wa kiwa sikai, nadooh kiwa nachwa, kiwa da chong ngiah, kiwa da lai noh wei kamjooh kiwa sikai wa katni.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da ong u leh wa u Blai da kyrkhu u lyngba ka Result wa bha wa da yoh man-u-snem.

Kam ka dak wow sdang ya kani ka lehkmen, da pynhær yaka lama ka skur da u Moderator ka PCI ryngkat i rwai ya i sur kani ka lehkmen namo ka Theme Song da ki khynnah skur.

Deilang wa ki khynnah skur da em leh kiwi tawon ki waheh ka Balang Jowai Presbyterian Church ryngkat u Rev. E. Nongpluh wa u Pro Pastor, u S. Paswet.