3rd Division: Jop ka Rising Mukhla waka Pamanik

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.

Ha ka yalehke wa nyngkong, ka Rising Mukhla da jop ko yaka Saindur Mihmyntdu da 7-1.

Ya ka Rising Mukhla da thap kool da u Rimi Pyrtuh haka minit wa 30, u Phrangsngi Challam haka minit wa 35, u Chembun Suna haka minit wa 40, 43 wa 46 wa u D. Nongrum haka minit wa 52 wa 56 katwa yaka Saindur Mihmyntdu da thap da u Kenal Dkhar haka minit wa 68.

Ha ka yalehke wa ar, ka Pamanik da jop ko yaka Catholic Youth Mihmyntdu da 4-2.

Related posts

Sdang ka 4th T20 Cricket Tournament ha Ummulong

January 10, 2026

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Ya ka Pamanik da thap kool da u Emlang Pakma haka minit wa 9, u Jamris Talang haka minit wa 2, 33 wa 60 katwa ki kool ka Catholic Youth toh kiwa thap bakla da uwa yalehka ka Pamnik, u B. Langstang ar tylli haka minit wa 46 wa 53.

Mynstep u pynman soo tylli ki yalehke kiwa daw sdang da ka Umshangiar waka Khliehmyntdu Neinchnong Mihmyntdu heipor 10:30 i step wei daw pynbood da ka Pateinki Sabah waka Mookyrdup heipor 12:00 waje pyrdi sngi, ka Sohmynting Dongnein waka Mupliang heipor 1:30 i sngi wei daw pynkut da ka Lumpyrtuh Mihmyntdu waka Samaro heipor 3:00 waje i sngi.