3rd Division: Jop ka Nangbah Pohchnong yaka Loompyrdi Iongpiah

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.

Ka yalehke wa nyngkong da kut ko da 2-2 hapyrdi ka SCSC Nonglatem waka Mukhla Umlangchor.

Ya ka SCSC Nonglatem da thap kool da u Pial Langshiang haka minit wa 12 wa u Rikwis Mynsong haka minit wa 69.

Ya ka Mukhla Umlangchor won da thap kool da u Rio Lyngdoh haka minit wa 9 wa u Ni O Sumer haka minit wa 47.

Ha ka yalehke wa ar, ka Nangbah Pohchnong da jop ko yaka Loompyrdi Iongpiah da 3-1.

Related posts

3rd Division EJHDFA: Psiah Quarter Final ka Pyrtakuna wa ka Rymbai Pohskur

August 28, 2026

2nd Division TSA: Jop ka Mukhla, Goodwill wa ka Kremmyrsiang

August 28, 2026

Ya ka Nangbah Pohchnong da yoh Hat-Trick u Lakhon Dkhar uwa da thap kool ha ka minit wa 34, 40 wa 45 katwa ya ka Loompyrdi Iongpiah da thap bakla uwa yalehke ka Nangbah Pohchnong, u Bhaki Hinge haka minit wa 63.

Ki yalehke wa bood u pynman ha ka 7 tarik hapyrdi ka Moodymmai waka Iooksi Youth Welfare heipor 10:30 i step wei daw pynbood da ka Mookynphad Mihmyntdi waka Risingsun Mukhla heipor 12:00 waje pyrdi sngi.