Ka North East Zone Cultural Centre (NEZCC), Ministry of Culture ka sorkar India, Dimapur da khut ko yei tyrwa pyrtuid yow yoh yaka Young Talent Artistes Award neibynta u snem 2022-2023 ya kitu kiwa em sap ha ki rwai, ki chaad tynre, ki yalehke Theatre, Dance Drama, Mime, i dro dur, i chna dur da ki dieñ ki siej, i thaiñ that, i chna kchu khyndaw wa kiwi kiwi wei emkaam u man ki kiwa ympu em kurim kiwa em hei rta wa 18 hadooh 30 snem kat hadooh ka 31-03-23 kiwa ye u yoh ya kani ki Award.
Kani ka Award wan ko deilang waka poisa kawa T. 20,000, ka Citation wa i Memento.
Kiwa kwah wow yoh ya kani ka Award emkaam u man ki ki tre chnong ka India wa kiwa chong chnong ki 8 tylli ki jylla ka North East. Lada em kiwa da dep yoh ya kiwi ki Award wa sariem ya kini hapoh ka jylla næ hapoh ka ri, ym ye ki wow yaleh ya kani ka Scheme.
Kitu kiwa sñiaw biang wow yoh ya kani ka Award, ye ki wow lai chim ya ka Application Form naka yung krehkaam u Director of Arts & Culture, ka sorkar Meghalaya.
Ka tarik wa khaddooh wow pynpoi ya ka Application toh hapoh ka 18-08-23 wei ym pdiang ya kiwa pynpoi hadien katai ka tarik.
Discussion about this post