Phah dur u Chandrayaan-3 wa da sdang skit ya u Bnai

U Chandrayaan-3 ynne da phah u ya ki dur wa nyngkong wa da yoh riñ ya u Bnai hadien wa da pynhær ya oo ha ka 14 tarik u Naiynñiaw uni u snem.

U Chandrayaan-3 da sdang u wow skit ya u Bnai ynnin ka sngi hadien wa pyndep u yei skit ya ka Pyrthai deiwa pynemkaam yei bor taan ka pyrthai yow kawang oo cha u Bnai wei kattæ da em u ha i bynta wa emkaam yow psiah hapoh i bor taan u Bnai kawa tip kam ka Lunar Orbit Insertion (LOI).

Ya ini da leh deiwa thang yaki Retro Burner yow lai chajan u Bnai wei da leh yeini deiwa neh 1835 Second deiwa sdang heipor 7:12 i miet ynnin ka sngi wei da skit u kattæ deiwa jngai dooh 18,074 Km na sla u Bnai wei iwa jan dooh 164 Km na sla Bnai wei suki suki daw pynhiar hadooh wa poi ha u Bnai.

Kani da man ko ka sien wa le wa da ye ka ISRO wow pynskit ya ka kari yong ka ya u Bnai tangwa ym pu em ye wow pynhiar hadooh wa poi u Bnai deiwa jop kamwa thmu wei chisien da dep phah ya ka kari haw-haw wa tip kam ka Mangalyaan yow skit ya u Mars ha u 2014.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka kynti lada lai bait kamwa thmu da booh ya ka 23 tarik uni u bnai yow pynhiar ya u Chandrayaan-3 ha South Pole u Bnai.

Chooh chooh ka ISRO da pyntip ko kamwa man kattæ waroh ki tiar ki taar toh kiwa krehkaam wei ym em iyi iyi i thut wei da pait thij pa thij yeini da ka Mission Operations Complec (MOX) wa em ha ISRO Telemetry, Tracking & Command Network (ISTRAC), ka Indian Deep Space Network (IDSN) wa em Antenna ha Byalalu hajan Bengaluru deiwa kyrchaan Europe Space Agency (ESA) waka JPL Deep Space Antenna ka NASA.

Daw pynykylla chooh chooh ya ini i skit u Chandrayaan-3 ya u Bnai myntu i miet nadooh 10:30 hadooh 11:30.