Wan biang u Rahul Gandhi cha Parliament kam u MP hadien soo bnai

U Rahul Gandhi ynne da pynbna biang ya oo kam u MP wa mihkhmat ya ka Wayanad Parliamentary Constituency hadien wa pynsangeh ka Supreme Court ya ka hukum rai pynrem ya oo da ka yung bichaar u Chief Judicial Magistrate, Surat.

Kam wow pynkymoo wa ha ka 23-03-23 ya u Rahul Gandhi da rai pynrem ha ka mukotduma wa da ong wa da pynsih u yei pyrtuid ki bru wa em yei kur Modi hadien wa da ong u wa ki Modi toh sa du kiwa tooh donhi.

Tangwa hadien wa li rah ya ini i kaam cha ka Supreme Court, ha ka 4 tarik uni u bnai da pynmih hukum ko yow pynsangeh ya i rai pynrem ya u Rahul Gandhi.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kamtæ ynne, ka Lok Sabha Secretariat da pynbna ko wa ka hukum pyndam yei man MP u Rahul Gandhi da pyndam noh ka kat hadooh wa pynmih ka yung bichaar da kiwi ki hukum.

U Rahul Gandhi pyn ynne hi i step da lai u cha Parliament deiwa pdiang sñiawbha ki Congress ya oo wei da lehkmen ki leh ha kiwa boon ki thaw khamtam hapoh ka Constituency yong oo deiwa ong ka sorkar u Modi toh u pynlut por wow synchaar paidbah heithaw wow kdong ya kiwa em ha ka liang pyrchah.